Intelligänzblatt für Aesch bigott
Intelligänzblatt für Aesch bigott
Jänner:
Heds Glattyys und gchäi Salz zum Ströie
chaa sich dr Chnocheschlosser fröie!
Hornig:
Weermsch diim Fasnachsschätzli nit nur d Füess,
wird s Wiehnachtschindli bsunders süess.
Meerz:
Meerzestaub isch nid zum gniesse
leider mues iich nüt als niesse.
Abrill:
Me laad vum Schloss in See, zum Schwumm
s isch Abrill, froog nid woorum.
Mai:
Feelt am Banndaag s Bier, heds glyy scho nüt,
no feelts am Wirt, nid an de Lüt!
Juuni:
Isch dr Summer drüeb und nass
machts in der Baadi gar gchäi Gschpass!
Juuli:
Falls is dä Chääfer no set blooge
giits wiider Ferie ooni Schoobe.
Auguscht
Wenn d Füürweer hoornt und umme rennt
isch s allwääg s falsche Füür wo brennt.
Septämber:
Liggt dr Güggel uff em Grill,
sinn sinni Hüener müüslistill
Oktoober:
Wenn d Wyybuure früeni Joomeri syy,
wäiss jeede z’Aesch: s gitt guete Wyy.
Novämber:
Wenn in de Stroosse d Stärnli glänze
ghörsch d Gugge us de Chäller schränze.
Dezämber:
S schlooft s Buschi underem Wiehnachtsbaum,
doo liggt er jetz, dii Fasnachtsdraum!
.wö