Iich bi dr Gäischt vum Blarer Schloss

.. und drum äigedlig dr Boss
vum Land und au vo jeedem Huus
do
o zwüsche Pfäffige und Chluus.
Wenn d mäinsch, i
i penn im Chäller unde,
denn drääi i
i häimlig myyni Runde.
Iich kenn da
as Doorff und syyni Gschichte
und wäiss e Huffe Sache z brichte

Mehr…


Iich wäiss wär Wirbel macht und umme rennt
und wär im Schloss bim Schaffe pennt.
Mäi, sälli tueni denn scho wegge:
Mach vill Lärm dass si verschregge
wenn me Chettene hört rassle
bi iichs im Chäller, bi de Assle.

Wysayys sin d Lüt vom Bau
si nämmes alli zimmli gnau.
Si wüsse was im Baugsetz stoot
was z Lieschtel grad no duure goot.
Was me baue darff im freie Gländ
trotz Strooseplän und Bauabständ.
Wie gross e Fänschter hüt mues si
dass sälli z Lieschtel z friide si
Öb dä in dr falsche Zone bisch
wo s Giibeldach nit zuägloo isch.
Öb s Dach no dörff e Vorsprung haa
wo Frau und Maa in Schärme chaa.
Me luägt in alte Reglemänt vo friener
baut ein für d Frau e Stall für d Hiener.
Wenn Hüüslibauer s Doorff wäi gstalte
no mien si sich an Regle halte.
Wo wurd me suscht au aane choo
wurd me d Lüt nur mache loo?
Nur diä grosse Investoore
nimmt me nit graad an de Oore.
Goots um Stüüre cha s sich loone
drum gitts grad e Sonderzoone

Ständig miän, so chani brichte
d Lüt vum Bau jetz d Uure richte.
S schleech ständig äini, sig e Quaal
hörschs au im Alice Meyer Saal.
S duät jetz plötzligg nümme alle,
wo suscht do inne sitze, gfalle.
All viertel Stund, sisch richtig doof
schloot e Uur, ringsch um e Schloof.
S diän d Museumsuure d Penner wegge
iich bruuch se nit e Moll z verschregge.
Mir isch do drabb nit öppe bang
s göön d Sitzige nur halb so lang.
S mäint dr Kassewart, käi Ma vo Wält
däwäg spaart me Sitzigsgäld!

Isch denn Ruää im Schloss, will alli Ligge
hörsch im Museum nur no d Uure tigge.
Tigg und Tagg diä ganzi Nacht
wär isch es, wo do drüber wacht?

Mäinsch sig numme alte Plunder?
mach so ne Uur uff, s isch e Wunder.
Isch si gchaputt? Me cha se fligge!
Drum ghörsch no lang so Uure tigge.
S gryyft jedes Raad ins andre dry
grad wiäs sett uf dr Gmäni sy!

Hesch dehäi im Cheller unde
e alte Bluemehaafe gfunde.
Dr roschtig Züber hett e Bugg
dr Nochber wott en nümmi zrugg.
Dr DAVOSER chasch nümm gsee
s isch z lang her sit em letschte Schnee.
Jetz setisch Platz ha nundefaane
wo gosch mit all dem Grümpel aane?
Im Museum wäi s en nit
will scho z vyyll z vyyll umme lit.
Si häige gnue vom Blarerschloss
vom Thummel und sim ganze Tross.
Mögsch nit uf d Speerguetabfuär warte:
denn holes d Waggis us em Garte.
Gosch drmit zur EZBe
het das Zügs si Zuekunft gsee!
Doch villicht wär öbber froo
und hät dr ganzi Bättel gnoo
s gäb im Land do vo de Rammle
schynts Lüt wo au so Sache sammle.
Bim Schwimmbad chasch für selli Gselle
das Züg ins Bring- und Hoolhuus stelle.
S blibt dört stoo so lang wiäs goot
und s äin zum Hüüsli uuse hoolt
Mit dr roote Chöchi hät mes gärn probiärt
si amme schöne Daag dört deponiärt
diä blibti Wuche lang dört stoo
es hätt se sicher niämer gnoo
denn s wäis jo jede z Aesch bigott
dass diä niemer bhalte wott.

S isch drum nit si wo s Doorff tuät längge
und dr Marianne hilft bim dängge.
Im Gmäinroot sin si mäischtens siibe
wär nit dr äinti in de Ferie bliibe.
Fünf Gmäinrootsfraue und äi Maa
wiä cha dr Bruno Freud draa haa?
Normalerwyys – ganz ooni Pflänz
wär dr Verwalter d Eminänz.
Är isch dr Bigboss dangg sim Amt
wo luegt ass käin dr näbe trambt.
Doch eusi Marianne, diä Emanze
loost iin nach iirer Pfyffe danze.
Si will käi achte Gmäiniroot
si säit elläi wos duure goot.
Das wänn nit alli recht begryffe
tiän d Spatze vo dä Dächer pfyffe.

Si hett d Kärli guet dressiert
jetz isch si muff, was isch passiert?
Är nimmt dr Huet und lauft drvoo
drbyy tuäts wiä am Schniirli goo:
D Gmäinrööt het si in dä Händ
so wiä sis wott, so chunnts am Änd.
Dr Duurchstich chunnt, dr Aaschluss au
stolz druuff isch si, wiä ne Pfau
S gäb Lütt wo iire d Zeeche küsse
vum Rugtritt wott si nüt me wüsse.

Drum isch si hässig selle Oobe
und cha dr Matthias nümme loobe
Si hett em zäigt gha wiäs gnau goot
jetz goot de äifach, dasch Verroot.
Si windet sich, het Zuggigä
wiä undanggbar isch Duggigä!
So fluäche chasch se sälte gsee
dr Blöchliger bringt Närvetee.
Si wett liäber ab in Chäller aabe
mit mir am Gmäinischaps si laabe.

Triebsaal bloose het käi Zwägg
im März scho isch dr Gysin wäg.
Sisch dä vo vorher au grad gange
jetz loot is no dr Mathias hange.
Vill Zyt isch syther nit ins Land
s alt Inserat isch schnäll zur Hand.

S goot nit lang, am negschte Fryttig
casch es läse in dr Zyttig:
Me suecht für Aesch e Frau, e Maa
wo mit dr Marianne schaffe chaa.
Wenn s passt het me e Stell für s Läbe
si wurdi drum am Sässel chläbe.
Sälber dängge bruuchsch nit vill
s zellt nur was di Scheffi will.
Me sell sich mälde in dr Stadt
(Dr Blatter findet nit so glatt.)

Chas ooni Gysin bi eus goo?
Wär duät für iin ächt noche choo?
Wär ischs wo chunnt e Frau? e Maa?
Wo ab em Schloossgäischt Freud tuät haa?
Säit dr Schille: Chasch mir bloose
stiigt glych nonemol in d Hoose?
Isch s am Änd eso e Pfluume
wo dr Cheller loot lo ruume?
Will se dr Schlossgäischt bös verschreggt
und nur diä schööne Fraue neggt?

Frooge, Frooge nüt als Frooge
iich wott mi nit mit dääne blooge.
No schnell e Gläsli Mooni-Wyy
denn isch d Zytt für mi verbyy.
Jetz haunis ab in Cheller aabe
tuä am Gmäinischnaps mi laabe
Iich dringg vom Schnaps in aller Rueä
d Frau Präsi bruuchi nit drzueä.

.. doch wenn me mäint iich syg verschwunde
drä
äi iich häimlig myny Runde  ̶
um im näggschte Joor denn z brichte
vo däm Doorff und syne Gschichte.

Dr Gäischt vum Blarer Schloss

Weniger…

Dr Gmäinroot duet d "Glyychstellig" nit unterschryybe,
uff s "Männerniveau' wänn d Wyyber nümmen abestyyge

Aescherliggs
Abschied nimmt d MARIANNE HOLLIGER
vo all dääne Wörggaholliger
S mues jetz halt syy,
isch glyy nümm drbyy
und hofft, sii wird nit molliger

Abschied nimmt d MARIANNE HOLLIGER
vo all dääne Wörggaholliger
S mues jetz halt syy,
isch glyy nümm drbyy
und hofft, sii wird nit molliger

 

Chaufe
Ä Wello chaufe, dass wär doch schaad,
verlang s doch äifach hüt vom Staat
Zaale dien s denn, dääne wo Äis wänn,
sälli wo scho lang ä Wello hänn

Ä Wello chaufe, dass wär doch schaad,
verlang s doch äifach hüt vom Staat
Zaale dien s denn, dääne wo Äis wänn,
sälli wo scho lang ä Wello hänn

Ä Wello chaufe, dass wär doch schaad,
verlang s doch äifach hüt vom Staat
Zaale dien s denn, dääne wo Äis wänn,
sälli wo scho lang ä Wello hänn

Zum Schluss, dass schryyb ii jetz ganz fett:
S Glyych gilt au für d Trottinett.

Styyge d Tämperaduure wyyter soo markant,
gits am Marianne-Seeli no e Palmestrand


Aescherliggs

Abschied nimmt d MARIANNE HOLLIGER
vo all dääne Wörggaholliger
S mues jetz halt syy,
isch glyy nümm drbyy
und hofft, sii wird nit molliger