Värsli us em ZwanzigZwäiezwanzig
24. Dezämber 2022 - E Wiehnachtsgschängg
20. Dezämber 2022 - Schiistaare
Dr schnällschti Schwyzer, iich find s glatt,
wird gaar nie schlabb ODER MATT.
Vo Insbruck d Nina wird au nie mied
sii hed au ganz klaar dä ORT LIEB.
Dr Französisch Aquarell-Mooler isch no doo
und häisst nodüürligg PEINTURE EAU.
Dr Norwägisch Bäärgbuur, won iich kenn,
isch dr lang KRISTOFFER SENN.
Und en inkontinänti Amerikanere isch immerhin,
e ganze gueti SCHIFFERIN.
Schnupf
18. Dezämber 2022 -
Käi 'Jour de gloire' - s blybt alles noir
Uff e ‘Jour de gloire’ häissts das mol waarte,
die grossi Triggolore hangt nid im Gaarte.
Statt mit Schämpis d Gleeser z fülle,
duät me ‘la Triomphe’ schwarz verhülle.
Iich ghöör dr Ruefer schreye, fascht wie bsoffe,
drum isch mi Fernsee bi de Schwoobe gloffe.
Dr Macron chunnt vor Fröid ins Raase
do macht dr Messi iim e langi Naase!
Mi jaggts graad us de waarme Finggä
wenn iich gsee wie die dien ginggä.
S goot richtig ab … uffäimoll Schluss,
s Penalti schiesse isch e Stuss!
Vill lieber häd ich in dä Finggä
die no lang gsee widder ginggä.
.wö
11. Dezämber 2022 - Ronaldo: Iich machs eläi!
Dr Ronaldo rieft: Mi sed me kloone!
Daas gääbi non e paar Millioone.
Elf moll wär iich uf em Platz,
und no fünf moll als Ersatz.
Iich schigg Marokko wiider häi:
Daas chaa nur äine: Iich eläi!
.wö
7. Dezämber 2022 - no de Bunderootswaale
No dr schwarze Nacht vo Kataar,
wirds glaub üüberhaupt nümm klaar.
S chunnt dr schwarzi Daag vo Bärn,
die Basler hed me halt nit gäärn.
Statt Sachkenntnis und Kompetänz,
chunnt Schaarm und Biiderkäit in d Chränz.
Statt Intellekt - s isch soo doof,
zellt e Foti mit Schwarznaseschoof.
So wird dr Bundesroot saggschwach
und vo dr EU gidds no mee uff s Dach.
Schnupf
4. Novämber 2022
S isch dä Schwoobe iire Dobbel-Wums
nüt gegen Aescher Dreyfach-Bumps.
(Iich gsee d Annabelle und ha mir dänggt
die hän doch die falschi Hütte gsprängt.)
8. Juli 2022
Vom Chilche-Sigrist, hört me brichte,
er miesi d Turmuur nümmi richte ...
21. Mäi 2022
Schnupf, zum achtzigschte Geburtsdaag
Dr Schnupf hed am 21. Mäi sy achtzigschte Geburtsdaag döörffe fyyre. Do derzue dien mir gratuliere. Blyyb zwääg.
Dr Spindler säit, es syg im Summer z häiss
är schwitzt nit gärn, wie jeeden Aescher wäiss.
Jetz goots denn zrugg in d Halle, är fänds toll
so schrybts dr Schnupf im Sitzigsprotokoll!
Noonem Tschogge hed dä armi Dropf
e schlimme Blätz ab an sym Chopf.
E groosse, bööse Voogel biggt dä armi Maa.
S mäint d Frau: E Voogel hesch scho immer gha!
S lyt bim Alain, s isch so schaad
für dr Schnupf e Mogge Fläisch baraad.
Nur geege Hunger und sy Durscht
wär s aller Bescht e Hoffmaa-Wurscht.
S wäär dr Aescher Gigi, wenns dä git
doch so wie dä faart, wäi d Latte nit.
Syy drei Päärli hii, do mäint äin biider:
Jetz schau mal da, da kimmt er wieder!
S goot dr Schnupf uf Leutasch - jeede Summer
är schwätzt wie die döört, mir machts Chummer!
S chönnt syy, ass iim e Schaade blybt
und är si Bangg wie sälli schrybt!
Aescher Fasnacht 2022
26. Hornig 2022
Schnupf: Schnitzelbangg
Schnupf: Dr Pöschtler ...
Aescher Fasnacht 2022 im Birsstadt TV
Wöschwyb: Schnitzelbangg
24. Hornig 2022 - Schmutzige Donnschtig 2022
Jetz erscht rächt
Hütt, Corona weer scho fascht verbyy,
schloot ä schlimme Groobian dryy.
Niemer stoppt die wildi Hatz,
uff em globale Pauseblatz.
Für alli blybt nur d Fuscht im Sagg
ob däm groobe Lumpepagg.
Gspüürsch in Dir e riise Fruscht
hesch uf d Fasnacht so no Luscht?
Döörfsch in so Zytte Fasnacht mache?
Singe, Freud ha und lut lache?
Mäinsch es wurdi anderscht choo,
liess me d Fasnacht blyybe loo?
Meinsch, es wurd däm Groobian stingge
wenn du dehäi blybsch in de Fingge?
Mir wäi grad zLäid lut Fasnacht mache
und zämme Freud ha, singe, lache.
S bruucht Freud in deere bööse Zytt:
Mach Fasnacht wies grad dinne lyt!
Mir wäin is freue wenns graad goot
wenns nümmi goot, no isch es z spoot
dr Räbgäischt
